அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

காத்தான்குடி பள்ளிவாசல்கள் முஸ்லிம் நிறுவனங்களின் சம்மேளனம் பிரதியமைச்சர் ஹிஸ்புல்லாவின் அரசியல் செல்வாக்கை இப்பிரதேசத்தில் வளர்க்கும் பிரதான முகவர் நிலையமாகச் செயற்பட்டு வருகின்றது என்ற குற்றச்சாட்டை அதன் மற்றுமொரு செயற்பாடும் தற்போது துல்லியமாக நிரூபித்திருப்பதாக சமூக ஆர்வலர்களால் குற்றஞ்சாட்டப்படுகின்றது.

சம்மேளனத்தின் கல்வி அபிவிருத்திச் சபை விரைவில் அதன் வருடாந்த சாதனையாளர் விழாவினை நடாத்தத் திட்டமிட்டு அதற்கான ஏற்பாடுகளைச் செய்து வருவதை அனைவரும் அறிவோம். Read more

முதலாம் குறிச்சி மீரா ஜும்ஆப்பள்ளிவாசல் நிர்வாக சபைத் தெரிவு மீண்டும் குழப்பத்தில் முடிவு!!

ஜமாஅத்தார் சங்கம் நீதிமன்றம் சென்று நியாயம் கேட்கப் போவதாகவும் அறிவிப்பு!!!

காத்தான்குடி முதலாம் குறிச்சி மீரா ஜும்ஆப்பள்ளிவாசல் நிர்வாகிகளைத் தெரிவு செய்வதற்காக முஸ்லிம் சமய பண்பாட்டலுவல்கள் திpணைக்களத்தினால் இன்று 18ம் திகதி நடைபெறுமென அறிவிக்கப்பட்டிருந்த வாக்கெடுப்பு அறிவிக்கப்பட்டவாறு நடைபெறவில்லை. இன்றும் குழப்பமே முடிவாக அமைந்தது.

சிறுவர் அபிவிருத்தி மகளிர் விவகாரப் பிரதியமைச்சர் எம்.எல்.ஏ.எம். ஹிஸ்புல்லா, முன்னாள் பிரதேச சுகாதாரப் பணிப்பாளரிடம் ஏற்கனவே இரகசியமாகத் தெரிவித்திருந்தவாறே தேர்தலை நடாத்த வந்த மேற்படி திணைக்களத்தின் பணிப்பாளர் நவவி அவர்களும், அதிகாரிகளும் வாக்கெடுப்புக்கு என ஒதுக்கப்பட்டிருந்த நேரத்தில் வேட்பாளர்களுடனும், ஜமாஅத்தார்களுடனும் பேச்சுவார்த்தைகளை நடாத்தி காலத்தைக் கடத்தியதன் மூலம் வாக்கெடுப்பு நடைபெறாமல் தமது கடமையைத் துஷ்பிரயோகம் செய்துள்ளதாக இப்பள்ளிவாசல் ஜமாஅத்தார் சங்கம் குற்றஞ்சாட்டியுள்ளது. Read more

வீதிக்கடத்தல் நடவடிக்கைக்கு ஜனாதிபதியே வழிகாட்டியாம்!
நகரசபை, சம்மேளனம் மௌனம்!! பொதுமக்கள் விசனம்!!!

ஊருக்குப் பெயர் மாற்றும் யோசனையைக் கைவிட்டு விட்டு, ஊரிலுள்ள வீதிகளுக்குப் பெயர் மாற்றுகின்ற நடவடிக்கைகளை முன்னெடுத்து வந்த பிரதியமைச்சர் ஹிஸ்புல்லாவும், சகபாடிகளான கிழக்கு மாகாண சபை உறுப்பினர்கள் முபீன் மற்றும் பரீத் ஆகியோரும் தற்போது பாரம்பரியமான பெயர்களைக் கொண்ட காத்தான்குடியின் வீதிகளை வேறு இடங்களுக்கு கடத்திச் செல்லும் நடவடிக்கைகளைத் தீவிரமாக மேற்கொண்டு வருவதாக காத்தான்குடி மக்கள் ‘வார உரைகல்’லிடம் விசனம் தெரிவிக்கின்றனர். Read more

சம்மேளன நிர்வாகமும், ஜம்இய்யதுல் உலமாவும் பொதுமக்களை ஏமாற்றிவிட்டது!

பொதுமக்கள் குடியிருப்புப் பிரதேசமான புதிய காத்தான்குடி கிழக்கு 167டீ கிராம உத்தியோகத்தர் பிரிவில் திண்மக்கழிவுகற்றும் திட்டத்திற்கான காணிக் கொள்வனவு மேற்கொள்ளப்பட்டிருப்பது குறித்து இப்பகுதிப் பொதுமக்கள், பிரமுகர்கள் பலரும் விசனங்களைத் தெரிவித்து வருகின்றனர்.

ஏற்கனவே காத்தான்குடி பள்ளிவாசல் முஸ்லிம் நிறுவனங்களின் சம்மேளனம், காத்தான்குடி நகரசபையின் இத்திட்டத்திற்காக காணியொன்றை தெரிவுசெய்து அடையாளப்படுத்தியிருப்பதாகத் தெரிவித்திருந்ததுடன் குறித்த அக்காணியைக் கொள்வனவு செய்வதற்கே பொதுமக்களிடமிருந்து குடும்பத்திற்கு தலா 500 ரூபா வீதம் நிதியுதவி அளிக்குமாறும்  உத்தியோகபூர்வமாகக் கேட்டிருந்தது. Read more