அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

கடந்த மாதங்களில் வீசிய சூறாவளி ஓய்ந்த கையோடு மீண்டுமொரு சூறாவளி உருவாக ஆரம்பித்துள்ளது.

அரசியல் வட்டாரங்களில் அதிக கவனயீர்ப்பைப் பெற்றிருந்த ஜனாதிபதித் தேர்தல் மஹிந்த ராஜபக்ஷவின் வெற்றியுடன் முடிவுக்கு வந்த கையோடு பொதுத் தேர்தல் பற்றிய பேச்சுக்கள் கிளம்ப ஆரம்பித்துள்ளன.

எதிர்வரும் ஏப்ரல் 08ம் திகதி இடம்பெறவுள்ள நாடாளுமன்றத் தேர்தலுக்கான ஆரம்ப கட்ட நடவடிக்கைகளில் சகல கட்சிகளும் ஈடுபட்டிருக்கும் இவ்வேளையில் இலங்கை வாழ் சிறுபான்மைச் சமூகமான முஸ்லிம் சமூகமும் இது குறித்துச் சிந்திக்க வேண்டிய நிலைக்குத் தள்ளப்பட்டுள்ளது. Continue reading →

ஜனாதிபதித் தேர்தலும், உள்நாட்டு யுத்தமும் முடிவடைந்த நிலையில் எதிர்வரும் ஏப்ரல் மாதம் 08ம் திகதி நடைபெற இருக்கும் நாடாளுமன்றத் தேர்தலானது முஸ்லிம் சமூகத்தின் எதிர்காலம் தொடர்பாக மிக முக்கியத்துவம் வாய்ந்தது என்பதனைக் கருத்தில் கொண்டு முஸ்லிம் அரசியல்வாதிகள் செயற்பட வேண்டும் என முஸ்லிம் கவுன்சில் வேண்டுகோள் விடுத்துள்ளது.

முஸ்லிம் கவுன்சிலின் தலைவர் அல்ஹாஜ் என்.எம். அமீன், செயலாளர் அல்ஹாஜ். ஹில்மி சுலைமான் ஆகியோர் விடுத்துள்ள அவ்வறிக்கையில் மேலும் கூறப்பட்டுள்ளதாவது:  Continue reading →

‘வார உரைகல்’ பிரதம ஆசிரியரைக் கொலை செய்யப்போவதாக தொலைபேசி மூலம் எச்சரித்த காத்தான்குடி நகரசபை உறுப்பினர் அல்ஹாஜ் எஸ்.எச்.எம். அஸ்பர் கடந்த 21ம் திகதி நடைபெற்ற மத்தியஸ்தர் குழாமின் விசாரணைக்கும் சமூகமளிக்கத் தவறியதால் அவருக்கான மூன்றாவதும் இறுதியானதுமான அழைப்பு காத்தான்குடி பொலிஸ் நிலையத்தின் ஊடாக மத்தியஸ்தர் குழாமின் தலைவரால் அனுப்பப்பட்டுள்ளது. Continue reading →

நாடாளுமன்றப் பொதுத் தேர்தலுக்கான காத்தான்குடிப் பிரதேச அரசியல் களத்தில் முதலாவது தேர்தல் வன்முறைச் சம்பவமாக கடற்கரை வீதியில் அமைந்துள்ள நல்லாட்சிக்கான மக்கள் இயக்கத்தின் அலுவலகம் மீது மாற்றுக்கட்சி ஆதரவாளர்களால் கருகிய ஒயில் வீசப்பட்ட சம்பவமொன்று கடந்த செவ்வாய்க்கிழமை நள்ளிரவு இடம்பெற்றுள்ளதாக அவ்வியக்கத்தின் செயலாளர் அஷ்ஷெய்க் ஏ.எல். எம்.சபீல் நளீமி ‘வார உரைகல்’ லுக்குத் தெரிவித்தார்.

இச்சம்பவம் குறித்து காத்தான்குடி பொலிஸ் நிலையத்தில் முறைப்பாடு செய்யவுள்ளதாகவும் அவர் மேலும் கூறினார்.

எதிர்வரும் ஏப்ரல் 08ம் திகதி நடைபெறவுள்ள இலங்கையின் ஏழாவது நாடாளுமன்றத் தேர்தல் சிறுபான்மைச் சமூகங்களான தமிழ் – முஸ்லிம் சமூகத்தினருக்கு பெரும் சோதனை நிறைந்த தேர்தலாகவே அமையவுள்ளது.

மக்களின் நலனுக்காக என்றும் உரிமைக்காக என்றும் ஆரம்பிக்கப்பட்ட இக்கட்சிகள் மக்கள் நலன்கள் குறித்து அக்கறை கொள்ளாமல் தத்தமது கட்சிகளின் நலன்கள் பற்றியும், தமது நலன்கள் குறித்துமே அதிகம் அக்கறை செலுத்தியிருப்பது இத்தேர்தலில் போட்டியிடும் அதிகரித்த சிறுபான்மைக் கட்சிகள் மற்றும் சுயேட்சைக் குழுக்களின் தொகையில் இருந்து பட்டவர்த்தனமாகியுள்ளது. Continue reading →