அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

கடந்த ஒரு வார காலமாகத் தலைமறைவாகத் திரிந்த காத்தான்குடி நகர சபையின் ஆளுந்தரப்பு உறுப்பினரும், பிரத்தியேக டியூஷன் வகுப்பு மாஸ்டருமான எச்.எம்.எம் பாக்கீர் மாஸ்டர் இன்று 30.04.2013 பிற்பகல் மட்டக்களப்பு நீதவான் நீதிமன்ற நீதிபதி அல்ஹாபிழ் எம். அப்துழ்ழாஹ் அவர்களின் முன் ஆஜர் செய்யப்பட்டபோது அவரை எதிர்வரும் 08.05.2013 வரை விளக்கமறியலில் வைக்குமாறு நீதிபதி உத்தரவிட்டார்.

ஓட்டமாவடியைச் சேர்ந்த மாணவி மீது கடந்த 22ம் திகதி இவர் பாலியல் துஷ்பிரயோகம் செய்ய முயற்சித்ததாக அம்மாணவி காத்தான்குடி பொலிஸ் நிலையத்தில் அன்றைய தினம் முறைப்பாடு செய்திருந்தார். Continue reading →

கிழக்கு மாகாண சபையின் செயற்பாட்டில் நம்பிக்கை இழந்து விட்டதாக, அம்மாகாண சபைத் தேர்தலின்போது முதலமைச்சருக்கான வேட்பாளராகப் போட்டியிட்டு உறுப்பினராகத் தெரிவு செய்யப்பட்ட கிழக்கு மாகாண சபை உறுப்பினரும், முன்னாள் அமைச்சருமான சட்டத்தரணி எம்.எஸ்.எஸ். அமீரலி பகிரங்கமாகத் தெரிவித்துள்ளார்.

இவ்வாறு அவர் நம்பிக்கை இழந்திருப்பதால் கிழக்கு மாகாண அரசியலில் திடீர் மாற்றமொன்று ஏற்படக்கூடிய சாத்தியக் கூறுகள் நிலவுவதாகவும் ஹேஸ்யம் கூறியுள்ளார். Continue reading →

‘வார உரைகல்’ பத்திரிகையின் 256வது பதிவு கடந்த 25ம் திகதி வியாழக்கிழமை மாலை காத்தான்குடியில் விநியோகிக்கப்பட்டது.
இவ்வாறு பத்திரிகையை விநியோகிக்கச் சென்றபோது பலரும் மிகவும் ஆர்வத்துடன் முதலில் கேட்ட கேள்வி: ‘இதில் பாக்கீர் மாஸ்டரின் செய்தி வந்துள்ளதா?’ என்பதேயாகும்.

அதற்கு வழமைபோல் பத்திரிகையை விநியோகிக்கச் சென்ற நான் அளித்த பதில்: ‘இது பாக்கீர் மாஸ்டரின் விடயத்திற்காக விஷேடமாக வெளியிடப்பட்ட பத்திரிகை அல்ல. வாரா  வாரம் வெளியிடப்படுவது போலவே இவ்வாரமும் பத்திரிகை வெளியிடப்பட்டுள்ளது. அதில் இந்த வாரம் நமதூரில் பலரது கவனத்தையும் ஈர்த்திருந்த அவர் சம்பந்தப்பட்ட செய்தியும் இடம்பெற்றுள்ளது.’

மீண்டும் என்னிடம் அவர்கள் கேட்ட கேள்வி: ‘அவர் தான் தவறு எதுவும் செய்யவில்லை என்றும், மெத்தைப்பள்ளிவாசலில் அழிவுச் சத்தியம் செய்து நிரூபிக்கப் போவதாகவும் அறிவித்திருக்கின்றாராமே?’ Continue reading →

காத்தான்குடி நகர சபையின் ஆளுந்தரப்பு உறுப்பினரான ‘நவீன பொருளியல்’ பிரத்தியேக ஆசிரியர் எச்.எம்.எம். பாக்கீர், நேற்றிரவு வாழைச்சேனையால் கடந்த செல்ல முற்பட்ட சமயத்தில் அப்பகுதிப் பொதுமக்களால் சுற்றி வளைத்து மடக்கிப் பிடிக்கப்பட்டார்.

இவரை முறைப்பாடு தெரிவித்த மாணவியின் வீட்டுக்குக் கொண்டு செல்ல முயன்றபோது, அதனை விரும்பாத மாணவியின் தந்தை மஹ்றூப் அவரை பொலிஸ் நிலையத்தில் ஒப்படைக்குமாறு கூறினார். Continue reading →

இன்று மதியம் காத்தான்குடி நகர சபையின் ஆளுந்தரப்பு உறுப்பினரான எச்.எம்.எம். பாக்கீர் ஆசிரியரால் அவரது காரில் வைத்து காத்தான்குடிக்கு அப்பாலுள்ள தமிழ்ப் பிரதேசமொன்றில் பாலியல் துஷ்பிரயோகத்திற்கு முயற்சிக்கப்பட்டதாகக் குற்றச்சாட்டை முன்வைத்திருக்கும் ஓட்டமாவடிப் பிரதேசத்தைச் சேர்ந்த முஸ்லிம் மாணவியை காத்தான்குடி பொலிசார் வைத்திய பரிசோதனைக்காக சற்று முன்னர் மட்டக்களப்பு போதனா வைத்தியசாலையில் 7ம் வார்டில் அனுமதித்துள்ளதாகத் தகவல் தெரிவிக்கப்படுகின்றது.

இதேவேளை எமது 2ம் பதிவேற்றத்தில் தெரிவிக்கப்பட்டிருந்தவாறு குற்றச்சாட்டுக்குள்ளான நகர சபை உறுப்பினர் பாக்கீர் ஆசிரியர் பொலீசாரால் அழைத்துச் செல்லப்படவில்லையென்றும், அவர் இச்செய்தி எழுதப்படும் இரவு 07:30 மணி வரை பொலிஸ் நிலையத்திற்குச் செல்லாமல் தலைமறைவாகி இருப்பதாகவும் செய்திகள் தெரிவிக்கின்றன. Continue reading →