அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

“VAARAURAIKAL” Vol: 173 -25.02.2011- Page: 03

நடைபெறவுள்ள காத்தான்குடி நகர சபைக்கான தேர்தலில் 06ம் இலக்க சுயேட்சைக் குழுவாக ‘வாள்’ சின்னத்தில் போட்டியிடுகின்ற ஐக்கிய மக்கள் ஒன்றியத் தலைவர் சகோதரர் எம்.எஸ்.எம். நஸார் (அல்பா) அவர்களின் நேர்காணல் தொடர்

என் அன்புக்குரிய நண்பர்களே..!
இனிய வாக்காளப் பெருமக்களே…!

இந்த நேர்காணல் தொடரில் மூன்றாவது வாரமாகவும் உங்களைச் சந்திப்பதில் நான் மகிழ்ச்சியடைகின்றேன்.

இந்தப் பேட்டித் தொடரின் மூலமாக நான் பிரபல்யமடைய முனைந்துள்ளதாகவும் ஒரு சிலர் கருத்துக் கொண்டுள்ளார்கள் என்பதை கடந்த வெள்ளிக்கிழமை (18.02.2011) நமது முஹ்யித்தீன் மெத்தைப் பெரிய ஜும்ஆப் பள்ளிவாசலில் இடம்பெற்ற ஜும்ஆத் தொழுகைக்காகச் சென்றிருந்தபோது என்னால் அவதானிக்க முடிந்தது.

அன்றைய தினம் அங்கு ஜும்ஆப் பிரசங்கம் நிகழ்த்திய அப்பள்ளிவாசலின் இரண்டாவது பேஷ் இமாம் ஹாபிழ் எம்.ஏ. காலித் ஹஸன் பலாஹி அவர்கள் எனது அன்புக்குரிய நண்பர் களில் ஒருவராவார். அவர் அன்று ஓதிய குத்பா பிரசங்கமானது நான் இவ்வாறான பத்திரிகைப் பேட்டிகள் மூலமாகப் பிரசித்தம் பெற முயன்று வருவதான ஒரு தோற்றத்தை காத்தான்குடிச் சமூகத்தில் ஏற்படுத்தியுள்ளதால் அதுபற்றியும் நான் இவ்வாரம் பேச வேண்டிய அவசியம் ஏற்பட்டுள்ளது. Continue reading →

“VAARAURAIKAL” Vol: 173 -25.02.2011 – Page: 04

கடந்த 19ம் திகதி சனிக்கிழமை காலையில் காத்தான்குடிப் பிரதேசத்தில் கள்ளத்தனமாக ஒலிபரப்பான ஒரு வானொலி அலை வரிசையில் ஸ்ரீஸ்ரீ ஹிஸ்புஷ்ஷைத்தான் நேயர்களின் கேள்விகளுக்கு பதிலளித்தது.

அதன்போது ‘வார உரைகல் பத்திரிகையை உங்களின் அதிகாரத்தைக் கொண்டு தடை செய்ய முடியாதா?’ என ஒரு நேயர் கேட்ட கேள்விக்கு, ‘ஊடக சுதந்திரம் இந்நாட்டில் இருப்பதால் என்னால் அதைச் செய்ய முடியாது. பொதுமக்களான நீங்கள் அப்பத்திரிகையை காசு கொடுத்து வாங்கி அதனை விற்பனை செய்யும் அப்பத்திரிகையின் பிரதம ஆசிரியரின் முகத்தில்; கிழித்து எறிந்து விட்டு அவரை அடித்தால்தான் அப்பத்திரிகை வெளி வருவதைத் தடைசெய்ய முடியும்’ என்று அந்த ஸ்ரீஸ்ரீ ஹிஷ்புஷ்ஷைத்தான் பதிலளித்ததாம்.

இந்த ஊரில் (இஸ்லாத்திற்கு விரோதமான விடயங்கள் உட்பட) எல்லாவற்றையும் ‘நானே செய்தேன்.. நானே செய்தேன்’ என்று அகம்பாவத் தொனியில் திமிர் பிடித்துப் பேசி வரும் ஸ்ரீஸ்ரீ ஹிஸ்புஷ்ஷைத்தான், இந்த ஊடகத்துக்கு எதிரான நேரடி வன்முறை வேலைகளில் மாத்திரம் தனது தலையைப் பாதுகாப்பாக உள்ளே இழுத்துக்கொண்டு ஊர் மக்களை ஏன் ஊடகத்திற்கு எதிரான வன்முறை நடவடிக்கைக்குத் தூண்டிவிடும் சதி வேலையைச் செய்ய வேண்டும்? என ‘வார உரைகல்’ கேட்க விரும்புகின்றது. Continue reading →

அன்புள்ள இணையதள வாசகர்களே..!

அஸ்ஸலாமு அலைக்கும் (வறஹ்..)

எதிர்வரும் மார்ச் மாதம் 17ம் திகதி நடைபெறவுள்ள காத்தான்குடிக்கான நகரசபைத் தேர்தலில் எந்தக் கட்சியினர் அல்லது சுயேட்சைக் குழுவினர் வெற்றி பெற்று ஆட்சியதிகாரத்திற்கு வருவார்கள் என்பதை நீங்களும் எமது கருத்துக் கணிப்பு வாக்கெடுப்பில் கலந்து கொண்டு தெரிவிக்கலாம்.

உங்களது வாக்கினை பின்வரும் விபரப்படி 0777 004774 என்ற எமது அலுவலக தொலைபேசி இலக்கத்திற்கு குறுஞ்செய்தி SMS மூலம் தெரிவிக்கலாம்.

ஒரு தொலைபேசி இலக்கத்தில் இருந்து ஒரு வாக்கு மாத்திரம் செலுத்த முடியும்.

பெறுபேறுகள் தொலைபேசி இலக்கத்துடன் 11.03.2011ம் திகதி வெளிவரும் 175வது ‘வார உரைகல்’ பத்திரிகையில் அறிவிக்கப்படும். வாக்களிப்புக்கான ஆங்கிலக் குறியீடுகள் வருமாறு:

ஐ.ம.சு.முன்னணி – UPFA  

 ஐ.தே. கட்சி – UNP  

ஸ்ரீ.ல.மு.காங்கிரஸ் – SLMC 

ம.வி.முன்னணி –  JVP  

சுயேட்சைக்குழு –  IPG – No:  

(சுயேட்சைக் குழுவின் இலக்கத்தைக் குறிப்பிடுக. உதாரணம்: சுயேட்சைக்குழு 8 க்கு நீங்கள் வாக்களிக்க விரும்பினால் IPG – No:8  என்று குறிப்பிடவும்)

“Vaarauraikal” Vol: 172 -18.02.2011- Page: 07

-முதலாவது தேர்தல் பிரச்சாரக் கூட்டத்தில் பொறியியலாளர் அப்துர் றஹ்மான்-

நல்லாட்சிக்கான மக்கள் இயக்கம் அமைத்திருக்கும் இந்த மேடை வித்தியாசமானது.

ஏனெனில், அரசியல் வியாபாரத்தில் சில சரக்குகளுக்குத் தட்டுப்பாடு இருக்கின்றது. அவை உண்மை, நேர்மை, நாகரீகம், சகோதரத்துவ உணர்வு, நம்பிக்கையைப் பாதுகாத்தல், வாக்குரிமையை மதித்தல் போன்றவையாகும்.

நாம் உங்களிடம் எதையெல்லாம் கடந்த காலத்தில் பேசினோமோ, எவற்றையெல்லாம் வாக்குறுதிகளாக உங்களுக்கு வழங்கினோமோ அவற்றையெல்லாம் எமக்கு கிடைத்த அதிகாரத்தினூடாக கடந்த நான்காண்டு காலத்திலும் செய்துவிட்டு அவற்றை மீண்டும் உங்களிடம் ஞாபகப்படுத்தியவர்களாகவே இன்று இந்த மேடைக்கு வந்துள்ளோம். எனவேதான் இந்த மேடை வித்தியாசமானது என்கிறோம்.’

‘ஆனால் வேறு கட்சிகளைச் சேர்ந்த அரசியல்வாதிகள் யாரும் கடந்த தேர்தல் காலத்தில் அளித்த வாக்குறுதிகளைப்பற்றி இவ்வாறான அரசியல் மேடைகளில் மீண்டும் ஞாபகப்படுத்திக் கூறுவதில்லை.

அவர்கள் மக்களை மறதியில் வைத்திருக்கவே எப்போதும் விரும்புகின்றனர். அவர்கள் மக்களுக்கு அளித்த வாக்குறுதிகளை அவர்களே ஞாபகம் வைத்திருக்கின்றார்களா? என்பது ஒரு புறமிருக்க, கடந்த தேர்தலின்போது எந்தக் கட்சியில் நாம் இருந்தோம் என்பது கூட அவர்களின் ஞாபகத்தில் இப்போது இருக்கின்றதா என்பதும் சந்தேகமே’

இவ்வாறு நல்லாட்சிக்கான மக்கள் இயக்கத்தின் சூறாசபை உறுப்பினரும் பொறியியலாளருமான அல்ஹாஜ் எம்.எம்.அப்துர் றஹ்மான் கூறினார்.

காத்தான்குடி மத்திய மகா வித்தியாலய முன்றலில் கடந்த 11ம் திகதி வெள்ளிக்கிழமை மாலை நல்லாட்சிக்கான மக்கள் இயக்கத்தின் பொதுச் செயலாளர் அஷ்ஷெய்க் ஏ.எல்.எம். சபீல் நளீமி அவர்களின் தலைமையில் இடம் பெற்ற   அவ்வியக்கத்தின் முதலாவது தேர்தல் பிரச்சாரக் கூட்டத்திலேயே  பொறியியலாளர் றஹ்மான் மேற்கண்டவாறு தெரிவித்தார்.

ஆயிரத்திற்கும் அதிகமான மக்கள் கலந்து கொண்ட இத்தேர்தல் பரப்புரைக் கூட்டத்தில் அவர் மேலும் கூறியதாவது:

கலைக்கப்பட்ட எமது முதலாவது நகரசபை அதன் பதவிக்காலத்தில் தனது நோக்கங்களை அடைந்துள்ளதா? என யாருமே கேள்வி கேட்க முடியாது.

ஏனெனில் அச்சபையில் அதிகாரத்தில் இருந்தவர்கள் இந்த மக்களுக்கான எந்த இலட்சியத்தோடும் அங்கு சென்றிருக்கவில்லை. உருப்படியான ஒரு தேர்தல் விஞ்ஞாபனத்தை வெளியிடுவதற்குக் கூட இயலாத பொறுப்பற்றவர்களாகவே அவர்கள் இருந்தனர். Continue reading →

மியாவ் மியாவ் பூனையாம்
மிடுக்காய் ஆண்ட பூனையாம்
நாண மில்லா பூனையாம்
நாதி யில்லா பூனையாம்!

ஊழலைக் கண்டால் மோருமாம்
நல்லதைக் கண்டால்; சீறுமாம்
கொமிஷன் என்றால் சிரிக்குமாம்
கணக்குக் கேட்டால் பாயுமாம்!

சாக்கடை மண்ணில் விருப்பமாம்
சபையில் அது டம்மியாம்
அறிவு கொஞ்சம் கம்மியாம்
இன்னும் ஆளக் கேட்குதாம்!

காலைக் கையைப் பிடிக்குதாம்
கட்டித் தழுவி நடக்குதாம்
வாயைப் பல்லைக் காட்டியே
வாக்குக் கேட்டுத் திரியுதாம்!

தெருத் தெருவாய்ப் போகுதாம்
திருகு தாளம் பண்ணுதாம்
நாசம் செய்த பூனையது
நாளை தோற்கப் போகுதாம்!

  -கவிஞர் காத்துவாயன்-