அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

கடந்த மாத இறுதியில் தனிப்பட்ட விஜயம் ஒன்றை மேற்கொண்டு பிரித்தானியா சென்றிருந்த PMGG நல்லாட்சிக்கான மக்கள் இயக்க சூறா சபை உறுப்பினரும், காத்தான்குடி நகரசபை எதிர்க்கட்சித் தலைவருமான பொறியியலாளர் அல்ஹாஜ் எம்.எம். அப்துர் ரஹ்மான், அந்நாட்டின் பிரபல தேசியக் கட்சியான தொழில் கட்சியின் உள்ளுராட்சி நிர்வாகக் குழுவுக்குத் தலைமை தாங்கும் கலாநிதி ரொஜர் லோரன்ஸ் அவர்களை சந்தித்து பேச்சுவார்த்தை நடத்தினார். Continue reading →

எஸ்.எம். முகம்மது பஷீர் B.A – உதவி அதிபர், மட்/ அல்ஹிறா மகா வித்தியாலயம் – காத்தான்குடி

ஆசிரியர்கள் தொழில் சார் கடமையை விடுத்து சேவை மனப்பாங்குடனேயே செயற்பட்டு வருகின்றனர். இதனை வெளிப்படுத்தும் முகமாகவே சர்வதேச தேசிய ரீதியாக ‘ஆசிரியர் தினம்’ நினைவு கூறப்படுவதோடு ஆசிரியர்கள் கௌரவிக்கப்பட்டும் வருகின்றனர்.

இதற்கு சிறந்த எடுத்துக்காட்டாக அன்றைய தினம் ‘ஆசிரியர் கீதம்’ இசைக் கலப்பில்லாது ஆசிரியர்களாலேயே இசைக்கப்படுகிறது. ஆசிரியர் கீதத்தில் ஆசிரியர் பணி, செயற்பாடு, அர்ப்பணிப்பு, மகத்துவம், சேவை நலன் போன்றன தெளிவாக எடுத்துரைக்கப்படுகின்றன.

ஆனால் நமதூரில் குத்பாக்களில், பிரச்சாரங்களில், சஞ்சிகைகளில், பத்திரிகைகளில் பல்வேறு விதமாக ஆசிரியர்கள் கேவலப்படுத்தப் படுகின்றனர். பெற்றோருக்கு அடுத்ததாக மதிக்கப்படவேண்டிய இச்சேவையாளர்கள் பலரது கண்டனங்களுக்கும் உட்படுத்தப்படுகின்றனர். Continue reading →

-மருதமைந்தனின் நூல் வெளியீட்டு விழாவில் பொறியியலாளர் அப்துர் றஹ்மான்-

‘எழுத்தாளர்கள் தங்களது பேனா முனையை காலத்தின் தேவை கருதி நம் சமூக மேம்பாட்டுக்காக பயன்படுத்த வேண்டும். கதைகளாக, கவிதைகளாக, பாடல்களாக, ஏன் நாடகங்களாகக் கூட இருக்கலாம். அவை எதுவாக இருந்தாலும் சமூக அநீதிகளை தொட்டுக்காட்டுவதாகவும், சுட்டிக்காட்டுவதாகவும் இருக்க வேண்டும்.’

இவ்வாறு நல்லாட்சிக்கான மக்கள் இயக்கத்தின் சூறா சபை உறுப்பினரும், காத்தான்குடி நகரசபை எதிர்க்கட்சித் தலைவருமான பொறியியலாளர் அல்ஹாஜ் எம்.எம். அப்துர் ரஹ்மான் குறிப்பிட்டார்.

கடந்த 12ம் திகதி காத்தான்குடி இஸ்லாமியக் கலாசார மண்டபத்தில் நல்லாட்சிக்கான மக்கள் இயக்கத்தின் ஏற்பாட்டில் நடைபெற்ற எழுத்தாளர் மருதமைந்தனின் ‘வெட்டிய வேரில் ஒரு முளை’ எனும் நூல் வெளியீட்டு விழாவில் சிறப்புரையாற்றுகையில் மேற்கண்டவாறு குறிப்பிட்ட அவர் மேலும் கூறியதாவது:

‘இன்று நம் சமூகத்தில் வாழுகின்ற அதிகமான எழுத்தாளர்கள் உண்மையை தைரியமாகச் சொல்வதற்கும், எழுதுவதற்கும் மிகவும் பயந்த நிலையிலேயே இருக்கின்றார்கள். தேர்தல்கள் வந்தால் அரசியல்வாதிகளின் மேடைகளில் அவர்களுக்கு புகழ்பாடுகின்ற கவிதைகளையும், பாடல்களையும் தருகின்றார்களே தவிர அந்த அரசியல் அதிகார மையங்களில் இடம்பெறுகின்ற அநீதிகளையும் அயோக்கியத்தனங்களையும் தைரியமாகச் சொல்வதற்கு எந்த எழுத்தாளர்களும் முன்வருவதில்லை.’ Continue reading →

செலிங்கோ பிராபிட் செயாரிங் நிதி நிறுவனத்திலிருந்து பெருந்தொகையான நிதித் தொகைகளை தமது வர்த்தக அபிவிருத்தி நடவடிக்கைகளுக்காகக் கடனாகப் பெற்றுக் கொண்டு அவற்றைத் திருப்பிச் செலுத்தத் தவறிய நான்கு கடனாளிகளுக்கு பிணை நின்ற விவகாரம் தொடர்பில் சிறுவர் அபிவிருத்தி மகளிர் விவகாரப் பிரதியமைச்சர் அல்ஹாஜ் எம். எல்.ஏ.எம். ஹிஸ்புல்லாஹ் இன்று (24) வெள்ளிக்கிழமை கொழும்பிலுள்ள வர்த்தக உயர் நீதிமன்றத்தில் ஆஜராவார் என்று எதிர்பார்க்கப்படுகின்றது.

ஏற்கனவே இக்கடனாளிகள் தொடர்பான வழக்குகள் மேற்படி நீதிமன்றத்தில் தாக்கல் செய்யப்பட்டு முதல் சுற்று விவரங்கள் அளிக்கப்பட்டுள்ள நிலையில் பிரதியமைச்சர் ஹிஸ்புல்லாஹ் அதன்போது நீதிமன்றத்திற்குச் சமூகமளிக்கவில்லையென்றும், 

எனினும் இன்று ஆரம்பமாகும் இரண்டாம் கட்ட விசாரணைகளின்போது அவர் மேற்படி நீதிமன்றில் ஆஜராகி தாம் பிணை நின்ற விடயங்கள் குறித்து விளக்கமளிக்க வேண்டுமென்றும், இதனடிப்படையிலேயே இன்று நீதிமன்றத்தில் அவர் அஜராகலாம் என்றும் ஊகிக்கப்படுகின்றது. Continue reading →