அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

மட்டக்களப்பு ஜாமிஉஸ்ஸலாம் நகரப் பள்ளிவாசல் நிருவாக சபையினரால் ஏற்பாடு செய்யப்பட்ட இஃப்தார் நோன்பு துறக்கும் நிகழ்வு கடந்த 02ம் திகதி வியாழக்கிழமை மேற்படி பள்ளிவாசலில் நடைபெற்றபோது அதில் கலந்து கொண்ட மட்டக்களப்பு மாவட்ட நிருவாக சேவைகள் மற்றும் சிவில் இராணுவ பாதுகாப்பு அதிகாரிகள் உள்ளிட்ட ஜமாஅத்தார்கள் மத்தியில் பள்ளிவாயலின் பிரதம நம்பிக்கையாளரும் பிரபல சமூக சேவகருமான அலஹாஜ் கே.எம்.எம். கலீல் ஜே.பி அவர்கள் அனைவரையும் வரவேற்று உரையாற்றுவதையும், சிறப்பு அதிதியாகக் கலந்து கொண்ட நிந்தவூர் காஷிபுல் உலூம் அறபுக் கல்லூரி முதல்வர் கவிமணி அல்ஹாஜ் மௌலவி எம்.எச்.எம். புஹாரி (பலாஹி) அவர்கள் இஃப்தார் சிந்தனைச் சொற்பொழிவாற்றுவதையும், மேற்படி பள்ளிவாசலின் அழகிய தோற்றத்தையும் மேலேயுள்ள படங்களில் காணலாம்.

அன்பினிய வாசகப் பெருமக்களே..! வர்த்தகர்களே..!! சமூக ஆர்வலர்களே…!!!

அஸ்ஸலாமு அலைக்கும் வறஹ்மதுல்லாஹி வபரகாதுஹூ

அல்ஹம்துலில்லாஹ்!

எண்ணற்ற இடர்பாடுகளுக்கு மத்தியிலும், இரத்தத்தைச் சிந்தி மரணத்தின் எல்லை வரை சென்றும் அல்லாஹ்வின் அருளாலும், உங்களின் பேராதரவினாலும் நமது மக்களின் குரலான ‘வார உரைகல்’ பத்திரிகையானது (03.09.2010)இன்றுடன் ஐந்தாண்டுகளைப் பூர்த்தி செய்து ஆறாவது ஆண்டில் காலடி எடுத்து வைக்கின்றது. 

இந்நாளில் இப்பத்திரிகையின் எதிர்கால வளர்ச்சிக்கும், உயர்ச்சிக்குமாகப் பிரார்த்திக்குமாறு உங்கள் அனைவரையும் அன்புடன் வேண்டுகின்றேன்.

மேலும், சமூக நீதி நியாயங்களுக்காகவும், நமது பொது நிறுவனங்களின் நேர்மையான செயற்பாடுகளுக்காகவும் வல்லோனாம் அல்லாஹ் ஒருவனைத் தவிர வேறு எவருக்கும், எந்த சக்திகளுக்கும் அஞ்சாமல் குரல் எழுப்பிவரும் இச்சிறிய பிராந்திய ஊடகத்திற்கும்,  இந்த இணையதள மேம்பாட்டிற்குமாக அருள்மிக்க இந்த றமழான் மாதத்தில் அல்லாஹ்வின் பொருத்தத்தை மாத்திரம் நாடியவர்களாக உங்களது ஸகாத் மற்றும் ஸதகா நிதி ஒதுக்கீடுகளிலிருந்து உங்கள் மனம் விரும்புகின்ற தொகைகளை இதன் பிரதம ஆசிரியனான என்னிடம் நேரடியாகவோ அல்லது எனது வங்கிக் கணக்கின் மூலமாகவோ வழங்கி உதவுமாறும் தாழ்மையுடன் கேட்டுக் கொள்கின்றேன்.

அல்லாஹ் நமது நல்லெண்ணங்களுக்கு ஏற்ற நற்கூலியைத் தந்தருள்வானாக!

– உங்களின் பணியாளன் புவி. றஹ்மதுல்லாஹ்-
வங்கிக் கணக்கு இல: S/Ac. No: 800 39 32 , Bank of Ceylon – Kattankudy Branch (Sri Lanka)

Tel: 0777 00 47 74

இவ்வருடம் புனித றமழான் மாதத் தலைப் பிறையன்று பாகிஸ்தானில் ஏற்பட்ட பெரும் வெள்ளத்தினால் நமது முஸ்லிம் சகோதரர்கள் சொல்லொண்ணாத் துயரங்களை இந்த நிமிடம் வரையும் அனுபவித்துக் கொண்டிருக்கின்றனர்.

பாகிஸ்தானின் வரலாறு காணாத இவ்வெள்ளப் பெருக்கினால் பாதிக்கப்பட்டவர்களின் தொகை கிட்டத்தட்ட நம் இலங்கை நாட்டில் வாழுகின்ற மொத்த சனத்தொகைக்குச் சமமானவர்கள் என அறிக்கைகள் தெரிவிக்கின்றன.

இந்த அனர்த்தத்தைப் பார்வையிட்ட ஐ.நா. செயலாளர் நாயகம் பான் கீ மூன் அவர்கள் இதுபோன்றதொரு அனர்த்தத்தை தன் வாழ் நாளில் ஒரு போதும் காணவில்லை என்று கூறியிருப்பதிலிருந்து இதன் தாக்கத்தை நாம் புரிந்து கொள்ள வேண்டும்.

இந்நிலையில் கடந்த 19ம் திகதியன்று நடைபெற்ற நமது நகரசபை அமர்வில் Continue reading →

கிழக்கு மாகாண சபைத் தேர்தல், ஜனாதிபதித் தேர்தல், பொதுத் தேர்தல் போன்ற முக்கிய தேர்தல்கள் நடைபெற்ற அண்மைய காலங்களில் எல்லாம் ஜனாதிபதி மஹிந்த ராஜபக்ஷ அவர்களின் தலைமையிலான ஐக்கிய மக்கள் சுதந்திரக் கூட்டமைப்பு அரசாங்கத்தை படுமோசமாக விமர்சித்து முஸ்லிம் சமூகத்தை தனது முஸ்லிம் சமூக தனித்துவ அரசியல் கோட்பாட்டால் கூறுபோட்டு அரசுக்கு எதிராக முஸ்லிம் மக்களை வாக்களிக்கத் தூண்டி உணர்ச்சிகரமான பீரங்கிப் பேச்சுக்களை மேடைகளில் முழக்கி தங்களது எம். பி. பதவிகளைத் தக்க வைத்துக்கொண்ட ஸ்ரீ.ல.மு.காங்கிரஸ், இப்போது அரசாங்கத்திற்கு ஆதரவளிக்கவும், ஜனாதிபதி அமைச்சுப் பதவிகளைத் தந்தால் அவற்றைப் பெறுவது குறித்து (சும்மா பம்மாத்துக்குப்) பரிசீலிக்கவும் தயாராகியுள்ளது.

இந்நாட்டில் ஜனாதிபதி மகிந்த ராஜபக்ஷ அவர்களின் தலைமையிலான குடும்ப சர்வாதிகார ஆட்சி நடைபெறுவதாகக் குற்றம் சுமத்தி எதிர்க் கட்சித் தலைவர் ரணில் விக்ரமசிங்ஹ  ‘போடா.. போடா..’ என்று மேடைகளில் பேசும்போது தாங்களும் கைதட்டி ஆராவரித்து மக்களையும் ஆக்ரோஷிக்கச் செய்த ஸ்ரீ.ல.மு. காங்கிரஸ், இப்போது தமது சுயநல அரசியலுக்கு வேறு போக்கிடமின்றி அதே ‘போடா.. போடா..’ அரங்கத்துடன் போய்ச் சரணாகதி அடைந்து விட்டது. Continue reading →

காத்தான்குடி பிரதான வீதி அபிவிருத்தி வேலைகள் நோன்புப் பெருநாள் வியாபாரக் கொள்வனவிலும், விற்பனையிலும் இப்பிரதேச மக்களினதும், முக்கியஸ்தர்களினதும் கவனங்கள் திரும்பியுள்ள இந்நேரத்தில் அதி மும்முரமாக தற்போது நடைபெற்று வருகின்றன.

இந்நிலையில் காத்தான்குடி நகரசபைக்கும், மார்க்கட் வீதிச் சந்திக்கும் இடையிலான பிரதான வீதியின் மேற்குப் புறத்தில் துண்டுக் கற்களுடன் கூடிய கழிவு மண் பெருமளவில் கொட்டப்பட்டு விதியின் மட்டம் உயர்த்தப்பட்டு வருவதாக பொதுமக்கள் பலரும் ‘வார உரைகல்’ லிடம் சுட்டிக்காட்டியுள்ளனர். Continue reading →