அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

காத்தான்குடி உலமாக்கள் கண்குளிரக் கண்டு மகிழ்ந்ததை அனாச்சாரங்களுக்கான அங்கீகாரமாக எடுத்துக் கொள்ளலாமா?

இவ்வருட தேசிய பாதுகாப்புத் தினம் தொடர் பாக கடந்த 26.12.2011ம் திகதி காத்தான்குடியில் நடை பெற்ற நிகழ்வுகளின்போது முஸ்லிம் சமூகத்தின் தனித்துவமான சமய, சமூக, கலாசார விழுமி யங்கள் புறக்கணிக்கப்பட்டதுடன், குழிதோண் டிப் புதைக்கப்பட்டதாகவும் பரவலாகக் குற்றஞ் சாட்டப்படுகின்றது.

இதுவொரு தேசிய விழாவாக ஏற்பாடு செய்யப் பட்டிருந்த அதேவேளையில், இத்தகைய விழாக்கள் நடைபெறும் பிரதேசங்களில் வாழுகின்ற மக்களின் தனித்துவமான சமய, சமூக, கலாச்சாரப் பண்பாடுகளையும் கவனத்திற்கெடுத்து அவற்றுக்கு மதிப்பளித்திருக்க வேண்டுமெனவும் கருத்துக்கள் தெரிவிக்கப்பட்டன. Continue reading →

-ஊடக சுதந்திரத்தையும், ஊடகவியலாளர்களின் கடப்பாடுகளையும் வலியுறுத்தி நீதிபதி அப்துழ்ழாஹ் மன்றில் அறிவுரை-

‘வார உரைகல்’ பத்திரிகையில் தங்களைபபற்றி அவதூறாகச் செய்திகள் வெளியிட்டதாகக் கூறி காத்தான்குடி பள்ளிவாசல்கள் முஸ்லிம் நிறுவனங்களின் சம்மேளனத் தலைவர் எம்.ஐ. எம். சுபைர், அதன் பிரதிச் செயலாளர் ஏ.பி.எம் சாதிக்கீன் மற்றும் மட்டக்களப்பு ஜாமியுஸ்ஸ லாம் நகர ஜும்ஆப்பள்ளிவாசலின் முன்னாள் தலைவர் கே.எம். கலீல் ஆகிய சமூகத் தலைவர்களால் காத்தான்குடி பொலிஸ் நிலையப் பொறுப்பதிகாரி மூலம் இப்பத்திரிகையின் பிரதம ஆசிரியர் புவி. எம்.ஐ. றஹ்மதுழ்ழாஹ்வுக்கு எதிராக மட்டக்களப்பு மாவட்ட நீதிவான் நீதி மன்றத்தில் தாக்கல் செய்யப்பட்டிருந்த மூன்று தனித்தனி வழக்குகளில் இரண்டு வழக்குகள் கடந்த 18ம் திகதி புதன்கிழமை சமாதானமாக முடிவுக்கு கொண்டு வரப்பட்டது.

மட்டக்களப்பு மாவட்ட நீதவான் நீதிமன்றம் அன்றைய தினம் நீதிபதி அல்ஹாபிழ் என்.எம். அப்துழ்ழாஹ் அவர்களின் பிரசன்னத்துடன் ஆரம்பமாகி இவ்வழக்குகள் அழைக்கப்பட்ட போது பிரதிவாதியான பிரதம ஆசிரியர் மன்றில் ஆஜரானார். Continue reading →

கிழக்கு மாகாண சுகாதார அமைச்சரின் காத்தான்குடிப் பிரதேச செயலாளரும், கிழக்கிலங்கை இஸ்லாமிய வலது குறைந்தோர் நலன்புரி அமைப்பின் முன்னாள் தலைவருமான ஏ.எம். மாஹிர் ஹாஜியாருக்கு எதிராக ‘வார உரைகல்’ பத்திரிகையின் பிரதம ஆசிரியர் புவி றஹ்மதுழ்ழாஹ் காத்தான்குடி பொலிஸ் நிலையத்தில் இன்று (23.01.2012) திங்கட்கிழமை காலை முறைப்பாடொன்றைச் செய்துள்ளார். (முறைப்பாட்டு இலக்கம்: CIB -2  283/290

நேற்றைய தினம் (22.01.2012) காத்தான்குடி பொலிசாரின் வேண்டுகோளுக்கமைய பொலிஸ் நிலையத்திற்குச் சென்றிருந்த அவரை பொலிஸ் நிலையத்தில் வைத்தே பொலிஸ் உத்தியோகத்தர்கள் மற்றும் அங்கு சமூகமளித்திருந்த பொதுமக்கள் முன்னிலையில் தனக்குள்ள அரசியல் அதிகாரத்தைப் பயன்படுத்தி பகிரங்கமாக அச்சுறுத்தி எச்சரிக்கை செய்ததாக பிரதம ஆசிரியர் தனது முறைப்பாட்டில் தெரிவித்துள்ளார்.

Continue reading →

மட்டக்களப்பு மாநகரசபை பிரதேசத்தில் நொச்சிமுனை தமிழ்க் கிராமத்தில் மீன்பாடும் வாவியோரம் அமைந்துள்ள தொன்மைவாய்ந்த புளியம்போக்கர் வலியுழ்ழாஹ் தர்ஹாவில் விஷேட றிபாய் றாத்தீப் மஜ்லிஸ் வைபவம் ஒன்று நேற்று 13.01.2012 வெள்ளிக்கிழமை இரவு நடைபெற்றது.

நபி (ஸல்)அவர்களின் குடும்ப வழித்தோன்றலில் காதிரிய்யா வர்ரிபாயிய்யா தரீக்காக்களின் 09வது தலைமுறை ஷெய்ஹு நாயகமாக இலங்கைக்கு விஜயம் செய்திருக்கும் அந்துரூதீவைச் சேர்ந்த ஷெய்ஹு நாயகம் சங்கைக்குரிய அஸ்ஸெய்யிதுஷ் ஷெய்ஹ் முகம்மது புகாரீ .. நல்ல கோயாத் தங்கள் மௌலானா அவர்களின் தலைமையில் இச்சிறப்பு றாத்தீப் நிகழ்ச்சி நடந்தேறியது. Continue reading →