அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

மோசடியும், பொய்யும் நிறைந்த சம்மேளனத்தின் புதிய தலைமையை ஏற்க முடியாதென பொதுச்சபை உறுப்பினர் நிராகரிப்பு!

காத்தான்குடி பள்ளிவாசல்கள் முஸ்லிம நிறுவனங்கள் சம்மேளனத்தின் புதிய தலைமைத்துவப் பொறுப்பு அல்ஹாஜ் மர்சூக் அகமட்லெப்பை அவர்களுக்கு இன்று வழங்கப்பட்டுள்ளது. அவர் எமதூர் சகோதரர்கள் அரசாங்கத்திடம் கையளிப்பதற்காக வழங்கியிருந்த தேசிய பாதுகாப்பு நிதியை மோசடி செய்தவராகவும், என்மீது அபாண்டமான பொய்யொன்றை பகிரங்கமாகக் கூறியவராகவும் இருக்கின்றார். எனவே மோசடியும், பொய்யும் நிறைந்த அவரது தலைமைத்துவத்தினை என்னால் ஒருபோதும் ஏற்றுக் கொள்ள முடியாது என புவி எம்.ஐ. றஹ்மதுழ்ழாஹ் தெரிவித்தார்.

சம்மேளனத்தின் வருடாந்தப் பொதுச்சபைக் கூட்டம் நேற்று 27ம் திகதி ஞாயிற்றுக்கிழமை காலை 09:00 மணிக்கு முகைதீன் மெத்தைப் பெரிய ஜும்ஆப்பள்ளிவாசலின் மேல்மாடியில் நடைபெற்றது. Continue reading →

காத்தான்குடி பள்ளிவாசல்கள் முஸ்லிம் நிறுவனங்களின் சம்மேளனத்திற்கு எப்போதும் வக்காலத்து வாங்கும் காத்தான்குடி இன்போ இணையதளத்தில், நகரசபையின் திண்மக்கழிவகற்றும் காணிக் கொள்வனவுக்காக சம்மேளனமும் ஜம்இய்யதுல்உலமாவும் பொதுமக்களிடம் இருந்து திரட்டிய பணத்திற்கான கணக்கறிக்கை விபரம் வசூல் நடவடிக்கையில் ஈடுபட்ட பள்ளிவாசல்களின் பெயர் ரீதியாக கடந்த 15ம் திகதி வெளியிடப்பட்டிருந்தது.

இக்கணக்கறிக்கையை உன்னிப்பாக அவதானித்த ‘வார உரைகல்’ அதில் குறிப்பிடப்பட்ட 25 பள்ளிவாசல்களாலும் திரட்டிய பணத்தொகையைக் கூட்டிப்பார்த்தபோது 86,000 ரூபா அதிக வரவாகக் காணப்பட்டது. Continue reading →

காத்தான்குடி பள்ளிவாசல்கள் முஸ்லிம் நிறுவனங்களின் சம்மேளனம் பிரதியமைச்சர் ஹிஸ்புல்லாவின் அரசியல் செல்வாக்கை இப்பிரதேசத்தில் வளர்க்கும் பிரதான முகவர் நிலையமாகச் செயற்பட்டு வருகின்றது என்ற குற்றச்சாட்டை அதன் மற்றுமொரு செயற்பாடும் தற்போது துல்லியமாக நிரூபித்திருப்பதாக சமூக ஆர்வலர்களால் குற்றஞ்சாட்டப்படுகின்றது.

சம்மேளனத்தின் கல்வி அபிவிருத்திச் சபை விரைவில் அதன் வருடாந்த சாதனையாளர் விழாவினை நடாத்தத் திட்டமிட்டு அதற்கான ஏற்பாடுகளைச் செய்து வருவதை அனைவரும் அறிவோம். Continue reading →

முதலாம் குறிச்சி மீரா ஜும்ஆப்பள்ளிவாசல் நிர்வாக சபைத் தெரிவு மீண்டும் குழப்பத்தில் முடிவு!!

ஜமாஅத்தார் சங்கம் நீதிமன்றம் சென்று நியாயம் கேட்கப் போவதாகவும் அறிவிப்பு!!!

காத்தான்குடி முதலாம் குறிச்சி மீரா ஜும்ஆப்பள்ளிவாசல் நிர்வாகிகளைத் தெரிவு செய்வதற்காக முஸ்லிம் சமய பண்பாட்டலுவல்கள் திpணைக்களத்தினால் இன்று 18ம் திகதி நடைபெறுமென அறிவிக்கப்பட்டிருந்த வாக்கெடுப்பு அறிவிக்கப்பட்டவாறு நடைபெறவில்லை. இன்றும் குழப்பமே முடிவாக அமைந்தது.

சிறுவர் அபிவிருத்தி மகளிர் விவகாரப் பிரதியமைச்சர் எம்.எல்.ஏ.எம். ஹிஸ்புல்லா, முன்னாள் பிரதேச சுகாதாரப் பணிப்பாளரிடம் ஏற்கனவே இரகசியமாகத் தெரிவித்திருந்தவாறே தேர்தலை நடாத்த வந்த மேற்படி திணைக்களத்தின் பணிப்பாளர் நவவி அவர்களும், அதிகாரிகளும் வாக்கெடுப்புக்கு என ஒதுக்கப்பட்டிருந்த நேரத்தில் வேட்பாளர்களுடனும், ஜமாஅத்தார்களுடனும் பேச்சுவார்த்தைகளை நடாத்தி காலத்தைக் கடத்தியதன் மூலம் வாக்கெடுப்பு நடைபெறாமல் தமது கடமையைத் துஷ்பிரயோகம் செய்துள்ளதாக இப்பள்ளிவாசல் ஜமாஅத்தார் சங்கம் குற்றஞ்சாட்டியுள்ளது. Continue reading →

வீதிக்கடத்தல் நடவடிக்கைக்கு ஜனாதிபதியே வழிகாட்டியாம்!
நகரசபை, சம்மேளனம் மௌனம்!! பொதுமக்கள் விசனம்!!!

ஊருக்குப் பெயர் மாற்றும் யோசனையைக் கைவிட்டு விட்டு, ஊரிலுள்ள வீதிகளுக்குப் பெயர் மாற்றுகின்ற நடவடிக்கைகளை முன்னெடுத்து வந்த பிரதியமைச்சர் ஹிஸ்புல்லாவும், சகபாடிகளான கிழக்கு மாகாண சபை உறுப்பினர்கள் முபீன் மற்றும் பரீத் ஆகியோரும் தற்போது பாரம்பரியமான பெயர்களைக் கொண்ட காத்தான்குடியின் வீதிகளை வேறு இடங்களுக்கு கடத்திச் செல்லும் நடவடிக்கைகளைத் தீவிரமாக மேற்கொண்டு வருவதாக காத்தான்குடி மக்கள் ‘வார உரைகல்’லிடம் விசனம் தெரிவிக்கின்றனர். Continue reading →