அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

பிரதமராகப் பதவியேற்கவிருக்கும் மோடி அவர்களுக்கு வணக்கம்!

உங்களுக்கு எனது மனமார்ந்த வாழ்த்துக்கள். இதை நான் சொல்வது மிகவும் உளப்பூர்வமாகத்தான். இப்படிச் சொல்வது ஒன்றும் எனக்கு அவ்வளவு எளிதான செயலல்ல.

ஏனெனில், நீங்கள் இப்போது அடைந்திருக்கும் உச்சபட்ச பதவியில் உங்களைக் காண விரும்பியவர்களில் ஒருவனல்ல நான். நீங்கள் பிரதமராகியிருப்பது குறித்துக் கோடிக்கணக்கானோர் பரவசத்துடன் இருக்கும் அதேவேளையில், இன்னும் கோடிக்கணக்கானோர் இதே காரணத்துக்காக வருத்தமுற்றிருக்கக் கூடும் என்பதை நீங்கள் நன்றாக அறிந்திருப்பீர்கள். Continue reading →

‘வட்டிக்குப் பணமெடுத்து வாகனம் வாங்குவதற்கு காத்தான்குடி உலமாக்கள் அங்கீகாரம்’ என்ற ‘வார உரைகல’ பத்திரிகையின் செய்தி தொடர்பாக கடந்த 10ம் திகதி காத்தான்குடி ஜம்இய்யத்துல் உலமா சபை வெளியிட்டுள்ள அறிக்கை உப்புச்சப்பில்லாத ஒரு மழுப்பல் அறிக்கையேயாகும்.

கடந்த மாதம் 27ம் திகதி நடைபெற்ற காத்தான்குடி நகர சபையின் 42வது அமர்வில் 9% வட்டிக்கு கடனாகக் கிடைக்கும் பணத்தை எடுத்து JCB பெக்கோ இயந்திரம் ஒன்றை வாங்குவது தொடர்பில் சபை உறுப்பினர்களுக்கு விளக்கமளித்த சர்வாதிகாரமுள்ள தவிசாளர் எஸ்.எச்.எம். அஸ்பர், அவ்வாறு கிடைக்கும் பணத்தைப் பெற்று வாகனம் வாங்கலாம் என்பதற்கு பல தரப்பு உலமாக்களும் எனக்கு பத்வா வழங்கியுள்ளார்கள் என்று மிகத் தெளிவாகவே கூறியிருப்பதனை அந்த ஒலிப்பதிவைச் செவியேற்ற காத்தான்குடி ஜம்இய்யதுல் உலமா சபையினரும் அவர்களால் வெளியிட்டிருக்கும் அறிக்கையில் உறுதிப்படுத்தியுள்ளனர். Continue reading →

கடந்த 08ம் திகதி காத்தான்குடி இன்போ இணையதளத்தில் வெளியான ‘முஸ்லிம் ஊடகவியலாளர்களை இலக்கு வைக்கும்  தமிழ் ஊடகப் பயங்கரவாதம்’ என்ற சுய அறிக்கைத் தொடரில்….

‘…இவ்வாறான இந்த நாசகார நடவடிக்கையை முன்னெடுப்பதில் காத்தான்குடியை தளமாகக் கொண்டு இயங்கும் வாரப்பத்திரிகையின் பிரதம ஆசிரியரின் உதவியையும் இந்த தமிழ் இனவாதி கள் பெற்றிருப்பதும் அவதானிக்கக் கூடியதாக உள்ளது.’

‘தனது சமூகத்தை போட்டுக் கொடுக்கும் கையாலாகாத்தனத்தில் தொடர்ச்சியாக ஈடுபட்டு வரும் இக்குறிப்பிட்ட வாரப் பத்திரிகை ஆசிரிய ரும், இவர் சார்ந்தவர்களும் இனவாதிகளின் கைக்கூலிகளாக இருந்து தங்களது சமூகத் தையே சில்லறைத்தனமான சுயலாபங்களுக் காக  சதிகாரர்களுக்கு அடகு வைக்கும்போது, இந்த இனவாதிகளின் பணக் கட்டுகளுக்கு பின்னால் இருந்துதான் இவர்கள் இவ்வாறான சதிகளில் ஈடுபடுகின்றார்களோ என்று எல்லோ ரையும் சிந்திக்க வைக்கின்றது.’

‘இந்த வாரப்பத்திரிகை ஆசிரியரை தனது கொள்கை பரப்புரைகளுக்கு பயன்படுத்தும் ஒரு குறிப்பிட்ட அரசியல் இயக்கமும் இந்த சதி முயற்சிகளின் பின்னால் இருந்து செயற்பட்டு வருவதாக சந்தேகம் வெளியிடப்படுகின்றமை இங்கு குறிப்பிடதக்கதாகும்’ எனக் குறிப்பிட்டுள் ளனர்.

அதுதொடர்பில் காத்தான்குடியைத் தளமாகக் கொண்டியங்கும் வாரப்பத்திரிகையின் பிரதம ஆசிரியரான நான் இப்பைத்தியக்கார இணைய தளத்திற்கும், அதற்குக் கைதட்டும் சித்தம் கலங்கிய கொமன்ட்ஸ் கோமாளிகளுக்கும் தெரிவிப்பதாவது: Continue reading →

“VAARAURAIKAL” Vol: 169 Date: 28.01.2011 Page: 04

இம்மாதம் (2011 ஜனவரி) வெளியான நல்லாட்சிக்கான மக்கள் இயக்கத்தின் உத்தியோகபூர்வ அச்சு ஊடகமான ‘புதிய நாளை’யில் வெளியான ஆசிரியர் தலையங்கம் குறித்து காத்தான்குடி இன்போ இணையதளத்தில் ‘அபூஹாதீ’ என்பவரால் தெரிவிக்கப்பட்டிருந்த விமர்சனத்திற்கு பதிலாக இணையதள வாசகர் எம். அப்துல் கப்பார் என்பவர் எழுதியனுப்பிய பதில் கருத்து மடலை அவ்விணையதளத்தினர் பிரசுரிக்காது இருட்டடிப்புச் செய்ததன் காரணமாக அவ்வாசகரின் வேண்டுகோளுக்கிணங்க ‘வார உரைகல்’ அதனை இங்கு பிரசுரிக்கின்றது. -பிரதம ஆசிரியர்-

நல்லாட்சிக்கான மக்கள் இயக்கம் இம்மாதம் வெளியிட்ட ‘புதிய நாளை’யின் 14வது இதழில் பிரசுரமான ‘நடுநிலையா? அல்லது நயவஞ்சகத்தனமா?’ என்னும் தலைப்பிலான ஆசிரியர் தலையங்கம் தொடர்பாக காத்தான்குடி இன்போ இணையதள வாசகர் அபூஹாதீ அவர்கள் எழுதியிருந்த கருத்து மடலை கண்ணுற்று அதுபற்றிய எனது கருத்துக்கள் சிலதையும் தங்களது இணையதளத்தில் பதிப்பிக்க விரும்பி இம்மடலை எழுதுகின்றேன்.

அபூஹாதி அவர்கள் தனது கருத்து மடலின் தொடக்கத்திலேயே, ‘ஒவ்வொரு சாராரும் சமூகத்தில் தேர்ந்தெடுத்துள்ள பணியினையே செய்து வருகிறார்கள்’ என்று குறிப்பிட்டுள்ளதற்கமைய நல்லாட்சிக்கான மக்கள் இயக்கத்தினர் நமது காத்தான்குடித் தாயக மண்ணைத் தளமாகக் கொண்டு சமூகம், கல்வி, அரசியல் தொடர்பான நற்பணிகளை மேற்கொண்டு வருகின்றனர்.

இவ்வாறு அவர்கள் சமூகம், கல்வி மற்றும் அரசியல் பணிகளை முன்னெடுத்து வருவதால் ஏனைய சுகாதாரம், ஆன்மீகம், விளையாட்டு போன்ற இன்னோரன்ன துறைகளில் எல்லாம் கவனம் செலுத்துகிறார்கள் இல்லை என்றும் சொல்ல முடியாது.

தேவைக்கேற்ப அத்துறை களிலும் அவ்வப்போது அவர்கள் கவனம் செலுத்தியே வருகிறார்கள் என்பதை கடந்த ஆறாண்டு காலத்தில் அவர்களால் மேற்கொள்ளப்பட்ட நிகழ்ச்சித் தொடர்களைத் தொடராகக் கவனித்து வருபவர்களுக்கு இந்த உண்மை தெளிவாகும்.

கடந்த ஆறாண்டு காலத்திற்கு முன்னர் இவ்வியக்கம் தோற்றம் பெற்றதற்கான முக்கிய காரணம், நமதூரின் உட்கட்டமைப்பு நிர்வாகங்களில் மலிந்து காணப்பட்ட நிர்வாகச் சீர்கேடுகளும், ஊழல் மோசடி நடவடிக்கைகளுமேயாகும். Continue reading →

கடந்த 07.05.2010 அன்று வெளியாகிய ‘வார உரைகல்’ பத்திரிகையில் நல்லாட்சிக்கான மக்கள் இயக்கத்தின் நகரசபைக்கான நான்காவது உறுப்பினராகப் பதவியேற்றிருக்கும் BCAS நிறுவனத்தின் பணிப்பாளர் கௌரவ.M.M. அப்துல் றகுமான் அவர்களது முற்போக்கான சிந்தனையுடனான எமதூருக்கான நல்லாட்சியை நோக்கிய நகர்வுகள் குறித்து பொது மக்களுக்கு தெரிவித்ததையிட்டு எனது மன மார்ந்த நன்றிகளைத் தெரித்துக்கொள்ளும் அதே வேளையில்,

நகரசபை உறுப்பினர் அப்துல் றகுமான் அவர்களுக்கு முன்னர் காத்தான்குடி நகர சபையின் நல்லாட்சிக்கான மக்கள் இயக்கம் சார்பில் பதவி வகித்த உறுப்பினர்கள் காத்திரமான பங்களிப்புக்கள் எதனையும் செய்யவில்லை என்பது போல் குறித்த வெளியீட்டில் குறிப்பிடப்பட்டிருந்தது. அதனால் இவ்விளக்கத்தை தெரிவிக்க வேண்டிய அவசியம் எனக்கு ஏற்பட்டுள்ளது.

என்னைப் பொறுத்தவரை எனது உறுப்புரிமைக் காலத்தில் நான் ஆற்றிய சேவைகள் குறித்து பொதுமக்களுக்கு அறியக் கிடைக்காமைக்கு காரணமாக நான் கருதுவது: Continue reading →