அநீதிக்கும் அக்கிரமங்களுக்கும் எதிரான மக்களின் குரல் – வார உரைகல்..

தாய் வீட்டு விவகாரங்கள் :4

காத்தான்குடி சமூகத்தின் தாய் நிறுவனம் எனக் கருதப்படும் சம்மேளனத்தின் வாராந்தக் கூட்டம் கடந்த 20ம் திகதி ஞாயிற்றுக் கிழமை காலையில் சம்மேளனத் தலைவர் அல்ஹாஜ் எஸ்.எச்.எம் இஸ்மாயில் அவர்களின் தலைமையில் கூடியதாம்.

ஆரம்பத்திலேயே மீள்குடியேற்ற அமைச்சரின் காத்தான்குடி வருகை தொடர்பில் சம்மேளன நிர்வாகத்தின் சார்பில் இடம்பெற்றதாகக் கூறப்படுகின்ற முரண்பட்ட சந்திப்பு குறித்த விடயம் விவாதப் பொருளாகி, அதனுடன் நகர சபையின் நல்லாட்சி உறுப்பினர் பொறியியலாளர் அப்துர் ரஹ்மான் அவர்கள் ‘வார உரைகல்’ மூலம் விடுத்த கண்டன அறிக்கையையும் சேர்த்துக் கொண்டு கருத்துக்கள் பரிமாறப்பட்டனவாம்.

தொடக்கத்தில் பொருளாளர் பஷீர் ஹாஜியார் அது தொடர்பான நீண்ட விளக்கமொன்றை சபையில் விலாவாரியாக எடுத்துக் கூறியதுடன் முன்னாள் சம்மேளனத் தலைவர் அல்ஹாஜ் சுபைர் CC அவர்களை நோக்கி அமைச்சரைச் சந்திக்காததற்கான காரணத்தைத் தெரிவிக்கும்படி வேண்டிக் கொண்டாராம். Continue reading →

-ஆர். இஸ்ஸதுன்னிஸா-

காஸாவிற்கு நிவாரணப் பொருட்கள் ஏற்றிச் சென்ற இரண்டாவது கப்பலும் இஸ்ரேலினால் இடை மறிக்கப்பட்டதை அறிந்த கணப்பொழுதுகளில் மீண்டும் எம் கண்களில் கண்ணீர் முட்டிற்று.

‘என் சமூகத்தின் ஒரு சாரார் இப்பிரதேசத்தில் போராடிக் கொண்டே இருப்பார்கள்’ எனும் பெருமானாரின் வாக்கு பொய்யாகி விடப் போவதில்லை. மனச்சாட்சி கொண்ட எந்த மனிதனும் பலஸ்தீனை நினைக்கையில் பதறித்தான் போவான்.

அற்ப அரசியல் இலாபங்களுக்காகவும், உலக மோகங்களுக்காகவும், கீழ்த்தரமான ஆசைகளுக்காகவும் நாம் தனித்தனியாகவும், சமூகம் சமூகமாகவும், நாடு நாடாகவும் சண்டையிட்டுக் கொண்டிருக்கும் காலங்களிலே; கொண்ட கொள்கைக்காக, உறுதி பூண்ட உண்மைக்காக உணவிழந்து, உடையிழந்து, உறக்கமிழந்து, உறவுகளை இழந்து நடுத்தெருக்களில் தமது உயிர்களை மட்டும் கையில் பிடித்துக் கொண்டிருக்கும் அந்த உறவுகளை நினைக்கையில் நாமெல்லாம் இறைவன் சந்நிதியில் எவ்விடம் என எண்ணத் தோன்றுகிறது. Continue reading →

‘அல்-குர்ஆனின் அறிவியல் அற்புதமும், உலக நாகரீகத்திற்கு முஸ்லீம்களின் அறிவியல் பங்களிப்பும்’ எனும் கருப்பொருளில் அமைந்த பேருவளை ஜாமிஆ நளீமிய்யாவின் மாபெரும் இஸ்லாமியக் கண்காட்சி கடந்த வாரத்தில் நளீமிய்யா வளாகத்தில் வெகு சிறப்பாகவும், நேர்த்தியாகவும் இடம்பெற்றது.

கண்காட்சி என்பது ஒரு புறமிருக்க, இலங்கை மண்ணில் பிறந்த ஒவ்வொருவரும் குறிப்பாக ஒவ்வொரு முஸ்லிமும் அந்த அறிவியல் வளாகத்தை நேரில் சென்று கண்டு திரும்புவது என்பது ஒரு பெறற்கரிய பாக்கியமே என்பதை முதலில் குறிப்பிட்டாக வேண்டும்.

இலங்கை முஸ்லிம்களின் வரலாறு பேணிப் பாதுகாக்க வேண்டிய, இஸ்லாமிய அறிவியல் சமூகம் உரமூட்டி மென்மேலும் வளர்த்தெடுக்க வேண்டிய, ஈழத்து அறிவியல் கலாகூடங்களில் பொன்னெழுத்துக்களால் பொறிக்கப்பட்டாக வேண்டிய ஒரு உயர்ந்த உன்னதமான இடமே அந்த ஜாமிஆ நளீமிய்யா என்பதில் மாறுபட்ட கருத்துக்கு இடமிருக்க முடியாது. Continue reading →

புதிய காத்தான்குடி – 6, அப்றார் நகர் வீதியிலுள்ள முகைதீன் மூத்தோர் சங்க அலுவலகத்திற்கு முன்பாக AF/6ம் இலக்க இம்மின்கம்பம் வீதியின் நடுவில் காணப்படுகின்றது. 

இதனை வீதியின் ஓரமாக நாட்டித்தருமாறு பொதுமக்கள் மின்சார சபையினரிடம் கேட்டிருந்த போதிலும் அதற்குரிய செலவைச் செலுத்த வேண்டுமென அவர்களால் தெரிவிக்கப்பட்டிருந்தது.

இதனை நல்லாட்சிக்கான மக்கள் இயக்கத்தின் நகரசபை உறுப்பினர் பொறியியலாளர் அல்ஹாஜ் எம்.எம். அப்துர் றஹ்மானிடம்  முகைதீன் மூத்தோர் சங்கச் செயலாளர் ஜனாப் கே.எம்.எம்.ஏ.காதர் தெரிவித்ததன்பேரில் அவர் காத்தான்குடி மின்சார சபை உப அலுவலகப் பொறியியலாளருடன் தொடர்பு கொண்டு அதற்குரிய செலவைச் செலுத்துவதாகத் தெரிவித் துள்ளதாகவும்,

விரைவில் இம்மின்கம்பம் வீதியோரமாகப் பிடுங்கி நாட்டப்படும் என அவர் உறுதியளித்துள்ளதாகவும் ஜனாப் காதர் ‘வார உரைகல்’ லிடம் தெரிவித்தார்.

இம்மின் கம்பம் குறித்து  ‘வார உரைகல்’ ஏற்கனவே செய்தி வெளியிட்டிருந்ததும் குறிப்பிடத்தக்கது.

-சமூக அபிவிருத்திக் கூட்டத்தில் பொறியியலாளர் அப்துர் றஹ்மான்-

இதுவரை போடப்பட்டள்ள கொங்றீட் வீதிகளுக்காகப் பெறப்பட்டுள்ள கொமிஷன் பணத் தொகைக்கு வருடாந்தம் 5000 மாணவர்கள் வீதம் 10 வருடங்களுக்கு இலவச அப்பியாசக் கொப்பிகளையும், பாடசாலை உபகரணங்களையும் வழங்க முடியும் என்று காத்தான்குடி நகரசபையின் நல்லாட்சிக்கான மக்கள் இயக்க உறுப்பினர் பொறியியலாளர் அல்ஹாஜ் எம். எம். அப்துர் றஹ்மான் கூறினார்.

நல்லாட்சிக்கான மக்கள் இயக்கத்தின் சமூக அபிவிருத்தி வேலைத் திட்டத்தின் ஒரு பகுதியாக புதிய காத்தான்குடி கிழக்கு 167B கிராம உத்தியோகத்தர் பிரிவில் கடந்த 14ம் திகதி திங்கட்கிழமை மாலை நடைபெற்ற அப்பகுதி மக்களுடனான கலந்துரையாடல் நிகழ்வில் கலந்து கொண்டு கருத்துரைக்கையிலேயே அவர் அவ்வாறு குறிப்பிட்டார்.

புதிய காத்தான்குடி கிழக்கு பல்நோக்கு மண்டபத்தில் நடைபெற்ற இந்நிகழ்வில் அவர் மேலும் கூறியதாவது: Continue reading →